أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات يمته الفرج يبدي

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٣/٠٦/١٣ المشاهدات المشاهدات: ٢٣٧٨ التعليقات التعليقات: ٠

يمته الفرج يبدي

جابر الكاظمي

يمته الفرج يبدي جاوبنه يالمهدي

شظلت بعد من طلعتك كملت علاماتك

 

جاوبنه يالمهدي يمته الفرج يبدي

شظلت بعد من طلعتك كملت علاماتك

 

عدنه مبادء ثابته وعدنه رويايات
تعدد علامات الفرج يا طيب الذات
بارينه ما يخلف وعد لا واالله هيهات
شظلت بعد ياسيدي من هالعلامات
يمتى الشمس تسطع من مغربك تطلع
من مغربك تطلع يمتى الشمس تسطع
بس هالعلامه باقية تتبعها صرخاتك
شظلت بعد من طلعتك كملت علاماتك

 

عدنه روايه واضحه والسند مذكور
تقول الارض من تمتلي بالظلم والجور
يظهر شعاع ابن الحسن وابهمته يثور
يملي الارض قسط العدل والعالم ينور
خصمك اخذ دوره فاض وطفح جوره
فاض وطفح جوره خصمك اخذ دوره
كل النواظر شاخصه منتظره حملاتك
شظلت بعد من طلعتك كملت علاماتك

 

عالامه افواج الظلم هاجت ياموعود
لبنان بالجور انهدم وبحقد اليهود
جربوا جميع الاسلحه والعالم اشهود
حزب الله صامد بالعزم والهمه والزود
تنتظرك اجنودك قوم ارفع ابنودك
قوم ارفع ابنودك تنتظرك اجنودك
ياساعه ترفل بالفخر يالمهدي راياتك
شظلت بعد من طلعتك كملت علاماتك

 

ارض العراق الطيبه واربوع الاطياب
يبن الحسن غابه صفت وامناور اذياب
تتهتك اعراض وغدة تتقطع ارقاب
حي انته وبعينك شفت هجمات الارهاب
هالزمره ملعونه رادوا يفرقونه
رادوا يفرقونه هالزمره ملعونه
يمته تشن اعله الظلم يالمهدي صولاتك
شظلت بعد من طلعتك كملت علاماتك

 

قالوها اصاحب المثل والمثل مفهوم
بالدنيه لو دام الكفر هالظلم ميدوم
عليمن تصب غيث العتب وعليمن اتلوم
حتى قبر جدك صبح ياوسفه مهدوم
هدموا قبر جدك ظل ياعذر عندك
ظل ياعذر عندك هدموا قبرك جدك
مرقد ابوك العسكري ضيفه اعله ثاراتك
شظلت بعد من طلعتك كملت علاماتك

 

نتمى بينا تتنطوي ساعات الايام
ننظر طلايع صفوتك مشورة اعلام
هالخاص كلها تناشدك وتناشدك عام
يمتى يشع بدر الفرج يانسل الاكرام
هذا الفرج وعده جاز وعبر حده
جاز وعبر حده هذا الفرج وعده
انت العمر واحنه النعد يالمهدي ساعاتك
اشظلت بعد من طلعتك كملت علاماتك

 

كل امه مصلح تتنظر وبدافع اصلاح
ينقذها من ظلم الدهر ويخلص ارواح
كل الامم متأمله وال يندبك صاح
لاحت بوادر طلعتك نجم الفرج لاح
يا اوفى كل صاحب ادركنا يالغايب
ادركنا يالغايب يا اوفى كل صاحب
كل المسامع صاغية منتظره صيحاتك
شظلت بعد من طلعتك كملت علاماتك

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016