أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات أين الموعود بطلعته

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٣/٠٦/٠٩ المشاهدات المشاهدات: ١٥٢٢ التعليقات التعليقات: ٠

أين الموعود بطلعته

جابر الكاظمي

أين الطالب بدم المقتول بكربلاء

 

صارت هاي الامه ابريـبه

ميعاد الغايب شيجيبه

 

تصرخ ومصيبتها امصيـبه

يا يوم ايعود من الغيبه

أين الغائب أين الوارث للأنبياء

أين الطالب بدم المقتول بكربلاء

 

يا يوم الغايب يحضرنه

وعن ثار حسين ايخبرنه

 

وبشارة خير ايبشرنه

نمسي ونصبح عالهم صرنه

نبكي لمصاب السبط صباحاً ومساء

أين الطالب بدم المقتول بكربلاء

 

ما نتحمل نار افراگه

ليش اتأخر شنهو العاگه

 

يمته اويه الغايب نتلاگه

ومالوّح صهوة سباگه

أين الموعود بمطلعته حان اللقاء

أين الطالب بدم المقتول بكربلاء

 

وين اليصعد ظهر الأدهم

من هاي اللوعه وهذا الهم

 

يگصد للطف ويتوزم

ثهلان ايمور ويتهدم

أين وليُّ الله وأين باب الرجاء

أين الطالب بدم المقتول بكربلاء

 

وين اللي يشحـذ بتاره

وثار أهل البيت وأنصاره

 

ويصرخ بسم حسين وثـاره

ايثور اعله الگوم الغداره

هذا نحر حسين تجري منه الدماء

أين الطالب بدم المقتول بكربلاء

 

وين اليملك شيمه وهمه

بالمصرع ما واحد يمه

 

ايشيل حسين ويدفن جسمه

مذبوح ومخضوب ابدمه

ودماً تبكيه لمقتله عين السماء

أين الطالب بدم المقتول بكربلاء

 

وين اليرزم غوجه ويشـرع

جسمه اعله التربان اموزع

 

ويشيل حسين من المصرع

وبحد الأشفار امگطع

لو نبكيه بدمٍ لا ينفعنا البكاء

أين الطالب بدم المقتول بكربلاء

 

وين الملزوم ابعياله

ويشوف حسين ابيا حاله

 

ايلوح الغارب يتعناله

مسلوب امچفن برماله

يومك يومٌ لا يحتمل يا عاشوراء

أين الطالب بدم المقتول بكربلاء

 

جسمه بذاري الموت امعفر

وين اليتعناله ويحـضر

 

وبسمر الخطِّيه امشجر

يصرخ يا محزوز المنحر

وينادي يا سبط محمد حان العزاء

أين الطالب بدم المقتول بكربــلاء

 

وين المذخور اليلفيـنه

يصرخ صرخه بدمعة عيـنه

 

وبمصاب حسين ايواسينه

وين الاكبر جاسم وينه

أين كفوف البدر تهاوت أين اللواء

أين الطالب بدم المقتول بكربلاء

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016