أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات يا المهدي وعدك وين

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٩/٠٣/٢٧ المشاهدات المشاهدات: ٣٧١٣ التعليقات التعليقات: ٠

يا المهدي وعدك وين

جابر الكاظمي

يا المهدي وعدك وين

وانعاتب... يالغايب

 

صار الضلع ضلعين

صار الضلع ضلعين

 

 

 

ياالمهدي چنه ابكل عتب نذكر مصاب الزهره
ونشرح مصيبة فاطمه وضلع الوديعه وكسره
هالنوب إجتنه كربله وشفنه الجثث عالغبره
مو ضلع واحد سيدي اضلوع أصبحت متكسره

كسرك صبح كسرين

ننتظرك... وانخبرك

 

شبحت إلك چم عين

صار الضلع ضلعين

 

 

 

چنه قبل نشرح إلك ضلع البتول ويومه
ونستنهض ابكسرة ضلع بنت النبي المظلومه
ولمن ذكرنه كربله وجدك تسيل ادمومه
امن الزهره شفنه مو ضلع كلها أصبحت مهشومه

بين الوديعه وبين

چم لوعه... مجموعه

 

صدر الغريب حسين
صار الضلع ضلعين

 

 

 

يا المهدي ياخذنه العجب بالزهره من نتذكر
وانگول دار أم الحسن ليش ابلهب تتوجر
لن كربله اتوضح صور نار ابخيم تستعر
وما ندري يا نار الذي جمرتها تحرگ أكثر

يبن الحسن دارين

ما تطفه... ولا تخفه

 

بيهن تشب نارين
صار الضلع ضلعين

 

 

 

من أثر مسمار الهضم صدر البتول اتصوب
واصوابه للطف انتقل خله الضماير تلهب
صوب صدر سبط النبي وطاح ابدماه امخضب
وأصبحن مسمار وسهم ما ندري يا هو الصعب

صاب الدهر صدرين

من دهرك... شيصبرك

 

واتنازفن جرحين
صار الضلع ضلعين

 

 

 

وفاجعة محسن بالدهر للحزن فتحت بابه
لمن سقط من فاطمه اهتز العرش لمصابه
ونفس المصيبه ابكربله انعادت ونفس اصوابه
من رموا عبد الله ابسهم ودم نحره صار اخضابه

وبگلبك اصوابين

وشتصبر... من تذكر

 

لمصيبة الطفلين
صار الضلع ضلعين

 

 

 

وادم الظلموا فاطمه ومن الفدك حرموها
نفس الأمر بالطف حصل للخيم من گصدوها
سلبوا اخدور ابكربله وعيله ابيسر مشوها
لو ما سلب ذاك الفدك للعيله ما سلبوها

ما نعتب اعله البين

امن الزهره... والعتره

 

ندري الأساس من انين
صار الضلع ضلعين

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016