أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات الليلة أفراح وسرور

القسم القسم: الشعر الشعبي الشخص الكاتب: السيد سعيد الصافي تاريخ الإضافة تاريخ الإضافة: ٢٠١٣/٠٦/١٣ المشاهدات المشاهدات: ٢٠٣٣ التعليقات التعليقات: ٠

الليلة أفراح وسرور

السيد سعيد الصافي

الليلة أفراح وسرور

 بنور مهدينا

 

 قامت الدنيا تنور

 بنور مهدينا

 

الليلة ميلاد الإمام المنتظر راعي الوفه
هذا بن خير النساء وجده طه المصطفه
رادوا يطفون نوره نوره يزهي وما طفه
مدرسة مهد الزمان وبيها كل المعرفه

موعظة بكل العصور

بنور مهدينا

 

قامت الدنيا تنور

بنور مهدينا

 

يا هلا بمولد المهدي حيته أرض وسمه
للنبي نزف التهاني وللشريفة فاطمه
هذا منقذنه إليسجل باجر أروع ملحمه
هذا إليقيم العدالة بزود عزمه وصارمه

ما يظل بالدنيا جور

بنور مهدينا

 

قامت الدنيا تنور

بنور مهدينا

 

هذا إلي يساوي البرية لا زغير ولا كبير
كلها تصبح أغنياء وما يظل بيهم فقير
الذيب ويا الشاة يسرح عايشين بفد مصير
الناس كلها أحرار تصبح عندها وجدان وضمير

لا ظلم يبقى وفجور

بنور مهدينا

 

قامت الدنيا تنور

بنور مهدينا

 

شيعتك يا بن الزجية تجرعت مر الصبر
شابحة لجيتك بلهفة ولظهورك تنتظر
سيدي وتدري بدمعها عالوجن ينزل جمر
جرد البتار وإنهض فكنه من أهل الغدر

طفي حسرات الصدور

بنور مهدينا

 

قامت الدنيا تنور

بنور مهدينا

 

ما يرد مكسور خاطر لو تعناك المحب
يا شفيع ذنوبه لازم يرد مسرور القلب
ذنوبه لو مثل النجوم تروح ما يبقى ذنب
باجر الحورية توقف لازمة لجيته الدرب

تنشر عليه العطور

بنور مهدينا

 

لا ظلم يبقى وفجور

بنور مهدينا

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016