أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات يا فرج الله

القسم القسم: الشعر الشعبي الشخص الكاتب: هيثم سعودي الكربلائي تاريخ الإضافة تاريخ الإضافة: ٢٠١٣/٠٦/١٣ المشاهدات المشاهدات: ٢٦٥٠ التعليقات التعليقات: ٠

يا فرج الله

هيثم سعودي الكربلائي

تدري اشصار يالمهدي

حان الثار يالمهدي

 

هاك اخبار يالمهدي

يا فرج الله

 

ينوح العالم الليله اودمعته ابعينه مذروفه
ونه اتهاوه القلم مني اووقع دامي على احروفه
يبو صالح عمت عيني لون تدري اششفت شوفه
شفت مرقد علي الهادي انهدم والقبه مقصوفه

حيلي انحار يالمهدي

والدم فار يالمهدي

 

عقلي احتار يالمهدي

يا فرج الله

 

اوكفت بعيني مدهول وشوف بعيني ها المنظر
وخدني عالم الذكرى بقيع الغرقد اذكر
مراقد اربعه طالحت وجه ها العالم اتغير
وعدنا مرقد الأطهر الكعبه اشلون تتغجر

الكون اندار يالمهدي

والاعبار يالمهدي

 

والاقمار يالمهدي

يا فرج الله

 

يمهدينه الكفر كله علينه ابضلمه يتماده
اوافعال اللايم ايزيد تتواره احفاده
امس رسموا نبي الرحمه اباسائه الشخصه ومجاده
واليوم الهم الاذناب تهدم مرقد اولاده

عا لمختار يالمهدي

والابرار يالمهدي

 

و لاطهار يالمهدي

يا فرج الله

 

الامم من تهتدي ابقاده تعضمها اوتمجدها
اوتقيم الهه نصب تذكار يذكرها اويخلدها
لاجن زمرة التكفير هالفكره تقف ضدها
اواثار البقيع اليوم ضلت من شواهدها

بس اثار يالمهدي

لا اسوار يالمهدي

 

لا انوار يالمهدي

يا فرج الله

 

عبيد النار يالمهدي رغم خزت عقايدها

تقصد تعبد الاوثان وتناجيه بمعابدها
مراقد عترت الهادي اجت الزوار تقصدها
شرار الامه تقتلها مأسينا تجددها

فتحوا نار يالمهدي

يا فرج الله

 

اصغار اكبار يالمهدي

يا فرج الله

 

ظلم وارهاب يا لمهدي ما صح بالدهر منه
فعل اشرار ها الأ مه انه انقلك خبر عنها
يذبحون اليجي زاير والذباح يتمنى
كل عشره اليذبحوها بيهم يدخل الجنه

اهل العار يا المهدي

تشب النار يا المهدي

 

ها الافكار يا المهدي
يا فرج الله

 

طفح كيل الصبر بينار وعلينا طاقت الوسعه
ارامل ظلت وايتام والله تنحب ثاكله وتنعى
اينوح اليوم موطنا ولا من يرحم ويرعى
والاحزاب يالمهدي كلمن يعمل الربعه

الاستعمار يالمهدي

ياللعار يالمهدي

 

طب لدار يالمهدي

يا فرج الله

 

لو عظم الجريمه اليوم فجرهه المدامعنه
لاجن ساعة الشدات معروفه صنايعنه
احنه من علي الكرار مجبوله طبايعنه
والله نسحك الاشرار لو تقبل مراجعنه

هذا انذار يالمهدي

من نختار يالمهدي

 

وحنه احرار يالمهدي

يا فرج الله

 

يبو صالح ايمتنا الكواكب تزهي جالفرقد
واذا هدموا مراقدهم قلبنه الكل ولي مرقد
ايمتنه هداة الدين اشهد يالولي اشهد
على حبكم ياوالينا عهد جلمتنا تتوحد

جا لانصار يالمهدي

يا فرج الله

 

بليا ثار يالمهدي

يا فرج الله

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016