أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات طال الوعد طال يا موعود

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٣/٠٦/١٠ المشاهدات المشاهدات: ٣٦١٦ التعليقات التعليقات: ٠

طال الوعد طال ياموعود

جابر الكاظمي

طال الوعد طال

 

يا موعود يا موعود

 

يا المنتظر حكم القدر محتوم
دمعي كتب هذا العتب واللوم
يا بن الحجج متى الفرج يا يوم
نحمل صبر ندري الأمر مقسوم

ما ضلت آمال

 

يا موعود يا موعود

 

يا بن الحسن صوت السنن ينخاك
وانت تعلم يصعب ألم فرقاك
طال الوعد يلي بالشدد ردناك
هجرك صعب يلي بالقلب مغناك

دمع العتب سال

 

ياموعود يا موعود

 

بين الظلم عيشة بهضم شتفيد
غير الوفة والمعرفة ما نريد
الي يزرع جهل يحصد فشل تأكيد
تاج الفهم لأهل العلم تخليد

ويفيد الأجيال

 

يا موعود يا موعود

 

كل تجربة وكل منقبة عرفنه
بالمجتمع بس الخدع شفنه
من الطاغية كم خافية كشفنه
لأجل الهدف كعبة شرف طفنه

ركن الصبر مال

 

يا موعود يا موعود

 

دار الفلك نتأملك ونقول
عن هالمحن ابن الحسن مسؤول
بقيد الام نهج القيم مغلول
ومن الحزن دمع الجفن مهمول

هالدمع همال

 

يا موعود يا موعود

 

يا بن الي جره فوق الثرى دمه
نجري الدمع للمنصرع جسمه
بين الاسل غاب وافل نججمه
بلوح القيم خط القلم اسممه

جدك بهالحال

 

يا موعود يا معود

 

بقلبه ثبت حزنه زنبت بحشاه
تالي غدرت وتكدرت دنياه
قلبه انفجع جبده انقطع بضماه
حيلة بضهد ما ضل سند وياه

بس حرم وأطفال

 

يا موعود يا موعود

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016