يبن الكرار بالفقار

يبن الكرار بالفقار

اطلب كل ثار ابثار

يالمهدي أفجع يوم هذا اللي صار
صوبوا مهجة بنت الهادي المختار
غصبوا حگ الزهره وحگ حماي الجار
حل يوم الثار يا مغوار

يالغايب ارفع راية جدك حيدر
گطع الرووس الچانت تحمي المنكر
ذكرهم بيوم الخندق وبخيبر
حل الرايه بالغايه

من توصل الأرض البقيع بهاليوم
زلزل الگاع وصب عليها المحتوم
واتطالب بثار الحسن المهموم
ثار المظلوم والمسموم

عرج الصوب الطف اسمع صوت احسين
لا ناصر الينصرني بهذا الدين
انصر جدك واسگيه من ماي العين
انصر جدك وبعزمك

خليك برض الطف وارفع چفين
رفعة الراس البيها شد حيل احسين
وانظر الجود الطايح وسهم العين
صيح بإحساس يا عباس

دور الوجه للشام وانظر زينب
وانظر متنها البسياط اتصوب
وانظر الخدر الراح من اتسلب
يا ويل القوم من هاليوم