أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات شعددلك يبو صالح

القسم القسم: الشعر الشعبي الشخص الكاتب: ميرزا عادل اشكناني تاريخ الإضافة تاريخ الإضافة: ٢٠١٩/٠٣/٢٧ المشاهدات المشاهدات: ٣٤١٣ التعليقات التعليقات: ٠

شعددلك يبو صالح

ميرزا عادل أشكناني

شعدد لك يبو صالح لا وحده ولا هي إثنين
ضلع الزهره دم حيدر چبد الحسن نحر حسين

 

 

 

يبو صالح عداك اللوم بطيت إبحقك وثارك
وثارك بادي من ساعه حطب جمعوا على دارك
من نار الحطب لليوم تهيج وتستعر نارك

طفي نارك إبسيفك

وإطلب منهم إبحيفك

بعد يالمهدي وبكيفك

إذا تطلب من إعداك الواحد منكم إبسبعين

 

 

 

من إعداك الطلب مريود وغيرك يا هو يطلبها
ما گول الطلب كافي إذا عالشجره تصلبها
عليهم ما يصير إهواي لون هالدنيه تگلبها
بإسم ضلع أمك وكسره
تطلع الطاغي من گبره
وإتصلبه عله الشجره
وتگر إعيون أنصارك وللزهره تقر العين

 

 

 

تقر العين للزهره وتطيب إجروح داحي الباب
إبمثل جبرة ضلع أمك وتشد إصواب بعد إصواب
بعد دار أمك وبابه تصير النوبه للمحراب
بعد ضلع أمك المكسور
يبني المرتضه المذخور
لبن ملجم يصير الدور
تعود الحسبه يالموعود ثار إبثار دين إبدين

 

 

 

دين إبدين عين إبعين لچن واللي بده أظلم
مثل عمك يصير إشلون چبده ينمرد بالسم
يبو صالح من المحراب تجي عد گبره المهدم
تطلب چبده التمرد
حته چبدتك تبرد
وتشّيد بإيدك المرقد
وعگبها تدري يالغايب مسيرك والگصد لاوين

 

 

 

مسيرك واضح ودربك ترسمه إبدمعه سچابه
الگبر حسين تتعنه بسيوف الثاره طلابه
وكلمن يصرخ إبهذي وآه يحسين وإمصابه
بهذي كلمن إينادي
ودمعه إعله الوجن بادي
يروح المصطفه الهادي
إنجبر هالسا كسر الإسلام وطاب هاليوم جرح الدين

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016