أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الصفحة الرئيسية » المكتبة الأدبية المهدوية » الشعر الشعبي » نقسم عله الله إبنبيه وبيت الأطهار
 الشعر الشعبي

المقالات نقسم عله الله إبنبيه وبيت الأطهار

القسم القسم: الشعر الشعبي الشخص الكاتب: عبد الخالق المحنة تاريخ الإضافة تاريخ الإضافة: ٢٠١٧/١١/٢٧ المشاهدات المشاهدات: ٢٨٨٨ التعليقات التعليقات: ٠

نقسم عله الله إبنبيه وبيت الأطهار

السيد عبد الخالق المحنة

نقسم عله الله إبنبيه

سالم يعود إبن الزجيه

 

وبيت الأطهار

صاحب الثار

 

 

 

يا رب السماء إقبل هالدعاء

عجل بالظهور وإشفي هالصدور

شمسك يا مجيب تشرق من مغيب

ويجينه النداء من طف كربلاء

حيَّ على سيد البريه

يرفع أذان الجعفريه

 

يا رافع رفعت إبلا عمد سبعه

نتوجه عليك إبدمعة البضعه
بغياب الشمس خل ننظر الطلعه
حيدر يا علي والعالم إيسمعه

حامي الجار

صاحب الثار

 

 

 

ليل إويه النهار صار الإنتظار

والعايش غريب والفاقد حبيب

دعوة أنبياء وأصحاب الكساء

كحل ناظري بإبن العسكري

وإعله الدرب صبح ومسيه

ثارك يا إلهي والبقيه

 

وإحنه إعله الجمر يا ربي ننتظره
والشوفت حبييه يفتدي إبعمره
طه وحيدره وأولاده والزهره
دعوة مضطر ومتحير بأمره
هاي الأنظار
صاحب الثار

 

 

 

مرفوعه الإيدين يا رب الحسين

بالأكبر نقول أشبه بالرسول

دمع الأمهات ما يبطل صلاة

بالطفل الرضيع وأصحاب البقيع

يالمهدي زينبكم سبيه

خل تنتظر دمعة رقيه

 

وإبنحره الشريف وجبده وإضلوعه
بالقاسم عليك ودمه وإشموعه
ليله والرباب ورمله مفجوعه
وبجاه العليل وبصبره وإدموعه
بين الأشرار
صاحب الثار

 

 

 

عشنه بالعذاب من كثر الغياب

عصر الإمتحان ما شفنه الأمان

يا يوم ونشوف يحضر بالطفوف

صوت امن الفراة أهلاً بالأباة

قطعوا لجلها إثنين إيديه

ظلت تنادي الغاضريه

 

والطلعه البهيه شككوا بيها
خل يظهر أبو صالح يصفيها
والرايه ترفرف بيد راعيها
هالرايه أمانه وبيدك أنطيها
يمنه ويسار
صاحب الثار

 

 

 

يا رب يا جليل بزنود الكفيل

من راد الإمام حمله للخيام

بدموع العضيد قرب كل بعيد

وأقلام الضلال تطرح هالسؤال

من ينشهر سيف المنيه

وين مفر يالناصبيه

 

وبراسه الخضيب وجربته وعينه
قله مستحي من إرقيه وإسكينه
مو حته الحجر ظل ينحب إعلينه
مهديكم يشيعة حيدره وينه
ما كو أعذار
يا صاحب الثار

 

 

 

أصعب ما يكون واليدمي العيون

والأمر العجيب يستاهل نحيب

تنظر للكفيل والمدمع يسيل

يا رب الحنان إنت المستعان

زينب يقلها إبن الدعيه

قالت له يتوله القضيه

 

زينب عالهزل للشام قادوها
سلبوها إخت عباس سلبوها
وي جتال أخوها الحره ودوها
دعوه من اليسر أطفال رفعوها
وين الأنصار
يا صاحب الثار

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016