أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات اكلوب من كثر القهر مكروبه

القسم القسم: الشعر الشعبي الشخص الكاتب: السيد سعد الذبحاوي تاريخ الإضافة تاريخ الإضافة: ٢٠١٣/٠٦/١٠ المشاهدات المشاهدات: ٤٥٤٤ التعليقات التعليقات: ٠

 اكَلوب من كثر القهر مكروبه

السيد سعد الذبحاوي

 اكَلوب من كثر القهر مكروبه

 

وشمس وعدك أصبحت محجوبه

 

نعتب و ندري العتاب إيألمك
لجن يالموعود جم ثارٍ إلك
ذبح سم تشريد خلصوا كل هلك

والتعازي إبكل كتر منصوبه

 

وشمس وعدك أصبحت محجوبه

 

إبكل كتر منصوبه يا ثار الجليل
والدموع الحالتك من دم تسيل
وعمر قوض تدري بنياح وعويل

والوكت ويانه شن احروبه

 

وشمس وعدك أصبحت محجوبه

 

إويانه شن احروبه يبن العسكري
والصبر طعمه صبح مر وشري
جم ثمود الرجع وشجم سامري

إبيا طلب هالأمه جا مطلوبه

 

وشمس وعدك أصبحت محجوبه

 

إبيا طلب مطلوبه وشعملت ذنب
استضعفوها و عنها ماواحد يذب
للفرج كل لحظه ظلت ترتقب

إبسهم حاقد شيعتك مصيوبه

 

وشمس وعدك أصبحت محجوبه

 

شيعتك مصيوبه يا مهدي الزمان
طشروها ووزعوها إبكل مجان
مالها مأوه وتدور عل الأمان

وليش من دون الأمم منكوبه

 

وشمس وعدك أصبحت محجوبه

 

والفرج جا يمته يا نور البصر
إلك جم جبد التقطع جم نحر
وجم ضلع منكم تهشم و إنكسر

والحقوق امفرهده ومنهوبه

 

وشمس وعدك أصبحت محجوبه

111
التقييم التقييم:
  ١ / ٣.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016