أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات من هاشم بدر محجوب

القسم القسم: الشعر الشعبي الشخص الكاتب: السيد عبد الحسين الشرع تاريخ الإضافة تاريخ الإضافة: ٢٠١٣/٠٦/١٠ المشاهدات المشاهدات: ١٧٦٤ التعليقات التعليقات: ٠

  من هاشم بدر محجوب

السيد عبد الحسين الشرع

من هاشم بدر محجوب تربي العين لظهوره

 

ما تدري يهل يا يوم وايشع بالأرض نوره

 

تربي اعيونه الدربه وطالت غيبته اعلينه
ما ندري الوعد يا يوم وايعود الفرج لينه
من كثر الهضم والجور ومن الصبر ملينه

يمته امن المغيب اتعود

 

وبوصلك علينه اتجود

يا من بالنصر موعود
علايم طلعتك ظهرت البتاريخ مذكوره

 

إرفع للسمه اجفوفك يغايب وإسأل المعبود
حته ايعجل اظهورك وبيك امن المغيب ايعود
غيرك مالي هذا الدين وللشيعه عليها ايجود

ما ظن حالها يخفاك

 

يبن الحسن من إعداك

قامت سيدي تنخاك
مـن هـضم الذي اعليها ومن ظلم العدو وجوره

 

من ثارك ومن دينك كثر شرها العتب واللوم
وامّن قلب ثجارك والعيناه طاب النوم
يا هو من هلك ما مات يو مجتول يو مسموم

حته البلمهد يرضع

 

جبده انمرد واتقطع

روح الكربله وإسمع
وإنشدها اعله عبد الله وعن رقبته المنحوره

 

إظهر يا زعيم الكون واشهر بيدك البتار
واطلب ثارك امن اعداك واضرم بالحوب النار
اقصد يثرب ابغاره واتجنه اعله باب الدار

وإنشد سيدي امن الباب

 

محسن وين بيج انصاب

ووين أم الثديها انعاب
ومن أم الزجيه اضلوع بيج اشكثر مكسوره

 

وإجري ادموعك اعله الباب وإنشد سيدي منها
الياهو القام يعصرها ولمن سقط محسنها
وإنشدها اعله ابو الحسنين ليش ابليل يدفنها

وإنشد عن قبرها وين

 

مخفي اشسبب عن العين

وإجري الدمع عالخدين
وإقصد للبقيع وشوف هضمه وذلت اكَبوره

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016