أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات يبن الكرار شبّت جم نار

القسم القسم: الشعر الشعبي الشخص الكاتب: السيد رضا البو شوكه تاريخ الإضافة تاريخ الإضافة: ٢٠١٩/٠٣/٢٧ المشاهدات المشاهدات: ٢٧٩ التعليقات التعليقات: ٠

يبن الكرار شبّت جم نار

السيد رضا البو شوكه

يبن الكرار

يا راعي الثار

نار الباب وآلامه

يا راعي الثار

 

شبّت چم نار

يا راعي الثار
حرگت لحسين خيامه
يا راعي الثار

 

 

 

جبت عمرك تحن ومعاشر الحسره
المصايب كربله لو لوعت الزهره
تبچي اعله السگط من شدة العصره
لو لجل الرضيع المنگطع نحره

يا طفل حسين

عگب الچفين

من شاله حسين بإيده

يا راعي الثار

 

فجّر كل عين
عگب الچفين
وانحز بنبله اوريده
يا راعي الثار

 

 

 

ضلع امك تكسّر والدمع جاري
اضلوع حسين كلها والجسم عاري
اگول اشصّبرك يا حجة الباري
وامك فاطمه اتناديك اخذ ثاري

ثار العريان

يصرخ عطشان

يالمهدي وآنه الزهره

يا راعي الثار

 

فوگ التربان
يصرخ عطشان
وحسين الفوق الغبره
يا راعي الثار

 

 

 

امن امك عين مسطوره وتسيل العين
وعله الشط عين ممروده الوجود حسين
اچفوف المرتضه اتقّيدت بأمر ياسين
لاچن عالشريعه طاحت الچفين

طاح العباس

مفضوخ الراس

من ذبحوا راعي الغيره

يا راعي الثار

 

راعي النوماس
مفضوخ الراس
زينب خلوها بحيره
يا راعي الثار

 

 

 

إلك باب إحترگ بس بيه ضلع مكسور
وإلك حرگ الخيم راعيها ظل منحور
يتامه حسين ظلت بالصحاري اتدور
وامك فاطمه حضرت ظهر عاشور

ابگلب المجروح

ضامي ومذبوح

وحسين الحزوا راسه

يا راعي الثار

 

يوليدي اتنوح
ضامي ومذبوح
بجدامه الكافر داسه
يا راعي الثار

 

 

 

غصب حق الزچيه فاجعه اچبيره
والاكبر منها زينب راحت ايسيره
عله الناگه وتنادي وين أبو الغيره
يا طفل التصد له ابوجهه چم حيره

صاحت عذبوك

بالحر خلوك

إتمنيتك نور اعيوني

يا راعي الثار

 

ضامي وذبحوك
بالحر خلوك
سالم وآنه ايذبحوني
يا راعي الثار

 

 

 

حين الجثة العطشان نحروها
إجو عمتك رقيه ابخدها سطروها
رقيه اعله الأرض يالمهدي جروها
وايديها امگيده وللشام يسروها

امن الطف للشام

سوط الظلام

زينب تشگف بيديها

يا راعي الثار

 

بچّه الأيتام
سوط الظلام
كل سوط اليضرب بيها
يا راعي الثار

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *
 

Copyright© 2004-2013 M-mahdi.com All Rights Reserved