أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات يمته وحي الله ينادي بطيبه

القسم القسم: الشعر الشعبي الشخص الكاتب: الشيخ هادي القصاب تاريخ الإضافة تاريخ الإضافة: ٢٠١٩/٠٣/٢٧ المشاهدات المشاهدات: ٣٠٣ التعليقات التعليقات: ٠

يمته وحي الله ينادي بطيبه

الشيخ هادي القصاب

يمته وحي الله ينادي ابطيبه

 

غايب الإسلام إجه امن الغيبه

 

 

 

الفرج آيه الفرج يا يوم الفرج

والله ما ظلت بعد عدنه مهج

ابحر أظلم طحنه وأخذتنه اللجج

من ينجينه يا راعي الهيبه

 

غايب الإسلام إجه امن الغيبه

 

 

 

اشنحچي وياك اشنخبرك يا هضم

الدين أصبح جمره والدنيه ظلم

وشفرة الصارم التوصل للعظم

وهاي هم بيها يغايب طيبه

 

غايب الإسلام إجه امن الغيبه

 

 

 

اشما يدور الفلك بينه ويستدير

اليوم أنجز من أمس وأتعس يصير

نلحگ الصفقه ونطارد عل الصفير

ويَ تشريج الهوه وتغريبه

 

غايب الإسلام إجه امن الغيبه

 

 

 

لو تناشدني اشعرفنه من الكتاب

ويا حكم بالعجل ننطيك الجواب

نعرف انسوي الخطأ أحسن صواب

ابحيل تسطير الحچي وتركيبه

 

غايب الإسلام إجه امن الغيبه

 

 

 

صرنه منعرف الثجيل امن الخفيف

وصرنه منميز الوضيع امن الشريف

نجعل المعيوب مستور وعفيف

يا وسافه والشريف انعيبه

 

غايب الإسلام إجه امن الغيبه

 

 

 

اتشوفنه كل سالجبهه ننتمي

بس يراونه المطامع بالومي

واليجي لينه ويعلمنه الرمي

بالسهام انگوم احنه انصيبه

 

غايب الإسلام إجه امن الغيبه

 

 

 

اتضيعت أيامنه ابعالم خيال

ونصبح ونمسي ابلغاوي وبجدال

ولو فرد بنيان نبني اعله الرمال

ألف مبنه انسبب ابتخريبه

 

غايب الإسلام إجه امن الغيبه

 

 

 

وأهل لطماع الأجيره ابهالوكت

اسمعت لابد بيها وبعينك شفت

شغله لو صارت لك وليهم رحت

بس تحاچيهم تصير انهيبه

 

غايب الإسلام إجه امن الغيبه

 

 

 

لون ما هالعمل عدنه بالوجود

صاير وكل يوم يالغايب يزود

ما علينه استولت اليوم اليهود

وابوطنه چلّبوا تچليبه

 

غايب الإسلام إجه امن الغيبه

 

 

 

احنه أفسحنه المجال الها الكفر

واحنه أظهرنه العداوه والغدر

الأجنبي امن الخوف من عدنه يفر

لچن لجل الطمع احنه انجيبه

 

غايب الإسلام إجه امن الغيبه

 

 

 

استولت اعلينه وكل حگنه انغدر

ولينه دگوا سجر يوفون الضرر

لچن ما نعرف ابيا يوم وشهر

حچي امسطّر دين بقواليبه

 

غايب الإسلام إجه امن الغيبه

 

 

 

من يوفي الضرر من ذوله البهم

ابيا حميه وغيره گلي يا شهم

اتصدگ انته لو گلت فرخ الغنم

من عگب أمه ترضعه الذيبه

 

غايب الإسلام إجه امن الغيبه

 

 

 

بعد يزيد العتب واعليك السلام

خاف يا المحجوب ياذيك الكلام

وأرجوا تقبل عذري يا نسل الكرام

وعذري عندك ينقبل أدري به

 

غايب الإسلام إجه امن الغيبه

 

 

 

لچن خليني أعزيك ابمصاب

عمتك زينب يبن داحي الباب

بالحبل مچتوفه زينب ولرباب

وهالمصيبه هم مثلها امصيبه

 

غايب الإسلام إجه امن الغيبه

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016