أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الصفحة الرئيسية » المكتبة الأدبية المهدوية » الشعر الشعبي » يغايبنه إبحقدهم جددوا عاشور
 الشعر الشعبي

المقالات يغايبنه إبحقدهم جددوا عاشور

القسم القسم: الشعر الشعبي الشخص الكاتب: علي الخفاجي تاريخ الإضافة تاريخ الإضافة: ٢٠١٧/١١/٢٧ المشاهدات المشاهدات: ٧٧٩ التعليقات التعليقات: ٠

يغايبنه إبحقدهم جددوا عاشور

علي الخفاجي

يغايبنه إبحقدهم جددوا عاشور

مهدور دم حسيني

 

ونفس القوم هدموا بالبقيع إقبور

وإقبور شفت بعيني

 

 

 

تحاربنه النواصب و السبب معروف

إبقبر حسين شافوا كل ضمير إيطوف

قبل جان اليزوره يقطعوا له إجفوف

وهسه إرقاب ندفع حته نمشي إنزور

 

يغايبنه إبحقدهم جددوا عاشور

 

 

 

من حقها التحبك تعتنيك ابهاي

عطشان البقيع إيريد منك ماي

اليا حد الصبر واليا وكت مولاي

إصلب عالجذع يالمهدي أهل الجور

 

يغايبنه إبحقدهم جددوا عاشور

 

 

 

نحلفك بالضلع و الباب يالمحجوب

رجع بالأرض صولات داحي البوب

صيح الثار وإقطع عالأعادي إدروب

قوم و جبر إبجفك ضلع مكسور

 

يغايبنه إبحقدهم جددوا عاشور

 

 

 

وحق دمع الزجيه و كل قبر مهدوم

عدنه أرواح بتراب البقيع إتحوم

إسرج خيل جدك يبو صالح قوم

وخل الدايره إعله أهل الطغاة إتدور

 

يغايبنه إبحقدهم جددوا عاشور

 

 

 

نحشمك تعتني وقبر أمك إتظهره

و كل صرح التهدم بيدك إتعمره

وطب أرض العراق وشوف سامره

وصد القبر أبوك العسكري المفجور

 

يغايبنه إبحقدهم جددوا عاشور

 

 

 

غايب واليجي وينخاك شتقله

كلف عمر المحب من يقضي بالذله

يا يوم وتصلي إبمسجد السهله

والشيعة علي بعدك توفي إنذور

 

يغايبنه إبحقدهم جددوا عاشور

 

 

 

جم شامت إبشامت بعدك إتعده

وإحنه إنقول باجر تخلص الشده

يومك سيدي جا ما قرب وعده

دمنه إخلاف عينك كل وكت مهدور

 

يغايبنه إبحقدهم جددوا عاشور

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016