أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات آه يروحي والحزن ثوب ولبسته

القسم القسم: الشعر الشعبي الشخص الكاتب: عبد الخالق المحنة تاريخ الإضافة تاريخ الإضافة: ٢٠١٧/١١/٢٧ المشاهدات المشاهدات: ٧١٢ التعليقات التعليقات: ٠

آه يروحي والحزن ثوب ولبسته

السيد عبد الخالق المحنة

آه يروحي

يا جروحي

غير الدمع ما عندي

 

والحزن ثوب ولبسته

وليل المعاتب سهرته

حتى قيام المهدي

آه يروحي

 

 

 

من بداية عمري أسمع هالقضيه

عالخلافه والكسر ضلع الزجيه

مره أعتب ليش يا حامي الحميه

وليش ما رفت روايه الهاشميه

ليش إبنها

وبحزنها

حادي المصايب يحدي

 

ما يسل سيف ويحاسب

ما نشف دمع النوايب

حتى قيام المهدي

آه يروحي

 

 

 

أسمع يقولون زينب سلبوها

وآنه من أسمع أقلهم وين أبوها

ليش عالناقه العقيله ركبوها

والعجيبه إشلون ظل ساكت أبوها

من يصبره

هذا عذره

محروسه تبقه إبزندي

 

وينظر إجفوفه القطيعه

ورايته يم الشريعه

حتى قيام المهدي

آه يروحي

 

 

 

مملكة أحزان وإدموعج أميره

يا أميرة كل شي وأصبحتي أسيره

إنتي يا جيش الصبر وأكبر عشيره

واليعوفونه الأهل هذا مصيره

من بجيتي

ما حجيتي

دمع الحزن تحدي

 

طفحت أمواج المصيبه

غير أخويه من إنين أجيبه

حتى قيام المهدي

آه يروحي

 

 

 

آه يليلي وعيني ما تغمض جفنها

لا أزال أسمع عتب أم وإبنها

هذي زينب والألم يحدي إبضعنها

لو شفت دمعة حزن أذكر حزنها

عذبتني

حيرتني

يا دمعتي إعله خدي

 

بهالحزن والباري يعلم

ودمعة الحيران مأتم

حتى قيام المهدي

آه يروحي

 

 

 

لو طفل يبجي أجي يمه وأسأله

ليش يالغالي دمع عينك تهله

لا تذكرني بيتامه الطف أقله

كل طفل شفته أشوف بنحره نبله

هذا حالي

وإعله بالي

والدنيه صارت ضدي

 

ونظرة العالم شماته

نظرة الضامي الفراته

حتى قيام المهدي

آه يروحي

 

 

 

من أشوف الماي يجري دمعي يجري

وأذكر حسين وأحس مكسور ظهري

يا فرات وعله إضفافك مات صبري

هذا عمري وضيعت بالونه عمري

ما حسبتك

ما عرفتك

أدري العتب ما يجدي

 

يا نهر مايك تمنعه
ما بقت بعيوني دمعه
حتى قيام المهدي

آه يروحي

 

 

 

من يجن الليل يرعبني ظلامه

أذكر الظلت غريبه إويه اليتامه

واليشوف الموت ما يقدر ينامه

عدنه غايب ننتظر ساعة قيامه

وإنتظرته

ما عذرته

لو أبقه أبجي وحدي

 

وما أمل من إنتظاره
وأدري مو بيده قراره
حتى قيام المهدي

آه يروحي

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *
 

Copyright© 2004-2013 M-mahdi.com All Rights Reserved