أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات يا ثار العقيله كافي الغياب

القسم القسم: الشعر الشعبي الشخص الكاتب: السيد سعيد الصافي تاريخ الإضافة تاريخ الإضافة: ٢٠١٧/١١/٢٧ المشاهدات المشاهدات: ٦٥٨ التعليقات التعليقات: ٠

يا ثار العقيله كافي الغياب

السيد سعيد الصافي

يا ثار العقيله كافي الغياب

عنك من يسألون

 

خل يقطع مسيله دمع العتاب

يتحسر بالعيون

دمع العتاب

 

 

 

يا حلم الأخذ كل شوف يعقوب...وي غيبة حبيبه
من طبع اليغيب ويقطع ادروب...يرجع من مغيبه
إذا قلنه عليك الصبر مكتوب...هاي أكبر مصيبه
بس انت يغايب دَّين مطلوب...جرح ستر النجيبه

آخر شهقه منها شافت الموت

ذكرت ضرب المتون

 

ما أعذرك يغايب صاحت ابصوت
يتحسر بالعيون

دمع العتاب

 

 

 

إذا تبره و تطيب اجروح الأيام...نتأمل شفاها
تره اجروح الخواطر صعبه تلتام...يالسيفك دواها
ذبلت من دمعها اجفون الأيتام...من شدة بجاها
عله احجاب الفواطم شر السهام...جم حاقد رماها

عيله الما كو إلها يخطف إخيال

هاي برايك اتهون

 

تتفرج عليها اعيون الأنذال
يتحسر بالعيون

دمع العتاب

 

 

 

نقول انجان رايد تفصل الدَّين...قلب أمك تجبره
آلالام وقصص لا قصه واثنين...حسره بأثر حسره
تشوف الشمر زينب قصد لحسين...واتثنه اعله صدره
درب النهر رادت تنشد امنين...والكافل تخبره

شوف حسين أخوك بولية الناس

اعله حسينك يحومون

 

صاحت يا كفيلي خويه عباس
يتحسر بالعيون

دمع العتاب

 

 

 

تعثر عمتك لحسين راحت... لو شايف وضعها
جم مره اعله وجه القاع طاحت... جم ظالم دفعها
يبني أمي عدل لو متت صاحت...لكن ما سمعها
نوح اليفت قلب الصخر ناحت...دم يقطر دمعها

والأصعب وأشد من هجمت الخيل

بين الما يرحمون

 

لو يبن الحسن من جلجل الليل
يتحسر بالعيون

دمع العتاب

 

 

 

من وصلت خيمها اخيول الأشرار...صبرت صبر أبوها
نارين الولتها وتطفي يا نار...حقها اتحشم أخوها
ما يخفي عليك وعندك أخبار...نفس الشتّموها
قبرها حوطوه من كل الأكتار...جيت شر إجوها

صدوا للمناير لنها جفين

ما قدروا يشوفون

 

والقبه ضواها راس الحسين
يتحسر بالعيون

دمع العتاب

 

 

 

قالوا لمن الأبدال شافوك...من خيرة أصحابك
أصعب يا مصاب اعليك سألوك...وانتظروا جوابك
يا ثار الله يالمحجوب جرحوك...يالصبرك شرابك
بإسم عمتك تلهج حين سمعوك...عرفوا سر مصابك

لو بينه الهواشم تركت اجروح

أدري يالتنشدون

 

زينب للمصايب مصدر النوح
يتحسر بالعيون

دمع العتاب

 

 

 

يقولون العتب وياك ياذيك... ويألم شعورك
دنيانه انملت جور و نتانيك... يزيل الظلم نورك
حسّبنه نحر عبد الله يشجيك... ويعجّل ظهورك
صوت الغوث يالغايب يناديك... منتظرين دورك

ضلع أمك يغايب تبعته اضلوع

ما ظل وضع مأمون

 

جم راس اعله راس الرمح مرفوع
يتحسر بالعيون

دمع العتاب

 

 

 

ليل إغيابك امتانين صبحه... يا شمس الهدايه
سؤال الشامت الخاطر يجرحه... تدري اشعنده غايه
كل ساعه التمر ننذبح ذبحه... لجل حب الولايه
تنّور الفتن ناره التفضحه... واتبين النوايه

رد رفع المصاحف وانت شتقول

جرحونه اليشتمون

 

جدامك وضعنه والحجي ايطول
يتحسر بالعيون

دمع العتاب

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016