أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الصفحة الرئيسية » المكتبة الأدبية المهدوية » الشعر الشعبي » وينك أسأل عليك ابكل كتر وينك
 الشعر الشعبي

المقالات وينك أسأل عليك ابكل كتر وينك

القسم القسم: الشعر الشعبي الشخص الكاتب: ميرزا عادل اشكناني تاريخ الإضافة تاريخ الإضافة: ٢٠١٧/١٠/١٦ المشاهدات المشاهدات: ٧٣٧ التعليقات التعليقات: ٠

وينك أسأل عليك ابكل كتر وينك

ميرزا عادل اشكناني

وينك أسأل عليك إبكل كتركل

عمري عايش أنتظر

ما ظل عله إفراقك صبر

 

وينك

وينك

وينك

 

 

 

عمري شمعه و ذابت بنار انتظارك
ليل صبري يرتقي إبطلعة نهارك
يا حبيب الروح دليني إعله دارك
مثل قيس أرد أعتني و ألثم جدارك

 

 

 

شوقي يتخطه قانون الزمن

منذور إلك يبن الحسن

يسألني كل لحظه التمر

 

شوقي

شوقي

وينك

 

 

 

عايش إبسحرك أنا و صاير رهينك
عيني ظلت شابحه الغرة جبينك
إحسبني من أيتامك اليطلب حنينك
سيدي و إمسح على راسي إبيمينك

حالي خله الصخر دمعه إيهلي

حال اليتيم إبلا علي

امتاني طلوعك يا فجر

 

حالي

حالي

وينك

 

 

 

إتعيش وحدك و بغيابك وحدك إتسير
إلمن إتسولف همومك لمن إتحير
مثل حيدر أعتقد يا سيدي إتصير
حين تشكي إتخلي راسك داخل البير

تشكي من تشكي يا هو اليسمعك

منهو اللي يمسح مدمعك

يا القابض إبجفك جمر

 

تشكي

تشكي

وينك

 

 

 

من بلاد الله الوسيعه مستقر وين
إبكربله لو يم علي برض الغريين
سيدي و إعليك أمشي نحر الحسين
ابشوفتك يبن الحسن خل نكحل العين

ريتك تشملني إبجف رأفتك

تسمح لي أحظه إبشوفتك

جاوبني لو غاب البدر

 

ريتك

ريتك

وينك

 

 

 

قالوا اللي يريد يتشرف بملقاك
إبموسم الحج إنت تحضر كل سنه هناك
رحت مكه و قلت يمكن ألتقي إوياك
لجن ظلت بالقلب حسره اعله فرقاك

غايب و الغيبه بس عن النظر

لاجنك إويانه إتحضر

و بيا وكت عيني تقر

 

غايب

غايب

وينك

 

 

 

مسجد السهله إنشده عن بكائي
خل فجر الجمعه يوصف لك دعائي
رغم تقصيري و رغم شدة جفائي
بندبتك يبن الحسن دايم ندائي

بسمك تدري إشكثر صاح القلب

جم ورده زارع بالدرب

يالمهدي خلصت العمر

 

بسمك

بسمك

وينك

 

 

 

ياللي متفضل علينه بفيض عطفك
يا وكت يا سيدي إتحفنه و نحفك
يمته جدام المله إنصافحها جفك
توقف إتصلي جماعه و إحنه خلفك

يمته بيومك ترد تحي المهج

يا سيدي يوم الفرج

نتهنه و إنشوف النصر

 

يمته

يمته

وينك

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *
 

Copyright© 2004-2013 M-mahdi.com All Rights Reserved