أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات يا حجة الله و أغله أمانينه

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٧/١٠/١٦ المشاهدات المشاهدات: ٦٧٠ التعليقات التعليقات: ٠

يا حجة الله و أغله أمانينه

جابر الكاظمي

يا حجة الله

فرحتنه تحله

 

و أغله أمانينه

ابمولدك يبن الزجية

 

 

 

يا حجة الله يا برهانه

يا مظهر الجود يا عنوانه

نورك بهل كون عمّ أركانه

والفرح معقود وانته اويانه

دلالي ناداك هاك الحانه

أهلاً يموعود يا مولانه

يا بهجة الروح

 

أهلاً يمهدينه

يا قرة العين وذخر خير البريّة

فرحتنه تحله

 

ابمولدك يبن الزجية

 

 

 

يا قرّة اعيون طه ونوره

يالوجهك اهلال عالمعموره

بارينه سوّاك باجمل صوره

واذخرك للدين تحفظ سوره

رايات الأفراح هالمنشوره

والعمر ويّاك تم اسروره

نوّرت الأكوان

 

ياأمل هادينه

وامجادك اتشع ابفخر لهل الوطية

فرحتنه تحله

 

ابمولدك يبن الزجية

 

 

 

للنبي المختار جد الساده

يالمهدي مذخور تحيي امجاده

وحيدر الكرار شخصصك راده

وكَلب أم الاطهار نال امراده

وصوت المحبين لجلك ناده

يا ربي تحميه من حسّاده

من عين الأشرار

 

يحفظك بارينه

الساعة ظهورك ننتظر صبح و مسيه

فرحتنه تحله

 

ابمولدك يبن الزجية

 

 

 

يالمهدي واليوم سمحه اظروفك

واعلينه هليت لامنعوفك

إحسبنه خطار واحنه اضيوفك

وللكرم والجود مد اجفوفك

ملينا الأحلام ريت اطيوفك

تتحق اليوم واحنا انشوفك

مشتاكَة الكَلوب

 

والصبر ماذينه

يمته نشاهد طلعة النور البهية

فرحتنه تحله

 

ابمولدك يبن الزجية

 

 

 

مشتاكَة القلوب تجذب حسره

وايام الفراكَ صعبة ومرة

يمهدي شيير لو فد مرة

نرجع المكَاك باجمل سفره

تتلاقى الاحباب وبسامره

نعلكَلك اشموع يابن الزهرة

افراحنا اتعود

 

يمك يوالينه

ونسعد يشبل العسكري ابلحظه هنيه

فرحتنه تحله

 

ابمولدك يبن الزجية

 

 

 

ترجع الاحباب واحنه احبابك

نتنسم بطيب من اطيابك

ونتعنى زوار نول بابك

ونكعد يموعود يم سردابك

الله الله محلة أعتابك

من نتعب انكَول طال اغيابك

تتلاكَه الارواح

 

والفرح حادينه

واللي فرح لافراحكم حصل هدية

فرحتنه تحله

 

ابمولدك يبن الزجية

 

 

 

باسمك يمهيوب يامهدينه

نطلب الحاجات من بارينه

عندك اله جاه والينه

وبجاهك ابهم ميخلينه

ممدود اله اليوم ها ايدينه

يالمهدي ننخاك تشفع لينه

من رب الافلاك

 

تطلب يغالينه

فرحتنه تحله

 

ابمولدك يبن الزجية

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *
 

Copyright© 2004-2013 M-mahdi.com All Rights Reserved