أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات إلك يبن الحسن عهدي

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٧/٠٩/١٩ المشاهدات المشاهدات: ٨٠٨ التعليقات التعليقات: ٠

إلك يبن الحسن عهدي

جابر الكاظمي

إلك يبن الحسن عهدي

 

إذا بس ظل نفس عندي

أصيحن مهدي يا مهدي

 

 

 

أمل ويعيش ويايه الأمل ما مات
همت بهواك واتذكر زماني الفات

بعدها اطيوفك ابعيني

 

تنيمني وتصحيني

القلب مشغوف ويرتل الك آيات
شعر مسنون يتضمن خمس أبيات

القوافي اتغازل اسنيني

الك ما أخلف بوعدي

 

اكتبتها بدم شراييني
إجيت بشوقي وابودي

أصيحن مهدي يا مهدي

 

 

 

ويه أول بيت يالمهدي ابعثت مرسال
إلك مشتاق يالحبك نبع سلسال

جزه الأول وإجه الثاني

 

شهد بحروف وجداني

كتبت احروف سحريه شرحت الحال
صحت ذكراك يالمهدي تظل علبال

محبتك هي عنواني

هويتك يا نجم سعدي

 

كتبها بطارف الساني
ينسمات الهوى النجدي

أصيحن مهدي يا مهدي

 

 

 

رسالة شوق يالغايب الك خطيت
بعثت الروح يالمهدي ويه ثالث بيت

صحت يا زهرة أيامي

 

عشكَتك والكلب ضامي

حنين الكاع للمزنه الك حنيت

ياريت بطيف تلفيني وأكولن بيت

أشوفك ورده جدامي

حلم أخضر الك أهدي

 

تفوح بروضة أحلامي
وأبدد كل حلم وردي

أصيحن مهدي يا مهدي

 

 

 

يا طي عيناي هاك اسمع دليلي اشقال
الك غنيت تجليبه ولحن موال

غنه العشاق يحلا لي

 

صحت وابديت موالي

أنا الياويل محبوبي غيابك طال
وحق عيناك ما أدري الهجر جتال

مغيبك صاب دلالي

الك راويت كل وجدي

 

صحت ياويلي يالغالي
صحت واجزيت عن حدي

أصيحن مهدي يا مهدي

 

 

 

إله الكون بالمصحف مرج بحرين
خطيت وياك بالبرزخ نمير العين

يا خامس بيت واحروفه

 

عبير الجنه محفوفه

زفاف الروح وبقلبي الك دارين
إخذ و اختار يالمهدي مبيتك وين

الكَلب الهواك ما يعوفه

إذا حفروا ترب لحدي

 

بهواك الروح مشغوفه
وأبات بحفرتي وحدي

أصيحن مهدي يا مهدي

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016