أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات إقبل عملنه يارب إقبل عملنه

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٧/٠٩/١٩ المشاهدات المشاهدات: ٧٣١ التعليقات التعليقات: ٠

إقبل عملنه يارب إقبل عملنه

جابر الكاظمي

إقبل عملنه

حقق أملنه

بالهادي واولاده

 

يارب إقبل عملنه

يا رب حقق أملنه

بالمهدي وأجداده

 

 

 

بمرك يبارينه بايعنه هادينه

قدسنه قديسته منعوف أهل بيته

ذريته مفترعه من فاطمه البضعه

عدنه اثنعش يمه همه الأصل همه

ختم الإمامه عنده

أوضح علامه عنده

تتشرف القاده

 

والواجب اعلينه نتبع نهج دينه

وانوالي ذريته هالعتره تكفينه

 بيها انحفظ شرعه نهجه وقوانينه

من حيدر الرحمه يختمها مهدينه

ختم الإمامه

أوضح علامه

بالمهدي وأجداده

 

 

 

واحنه بمودتنه نتبع أيمتنه

عاهدنه وياهم نمشي اعله مسراهم

من المرتضه تبدي فرحه وعشب وردي

الليله اهدش كوكب للمهدي تترقب

بحر الشهامه همَّ

شاطي السلامه همَّ

تتنور أعياده

 

بيهم عقيدتنه بس همه قادتنه
بالحب نطيناهم جوهر محبتنه
وبمولد المهدي مكتمله فرحتنه
ما أجمل وأعذب من هذي بهجتنه
بحر الشهامه
شاطي السلامه
بالمهدي وأجداده

 

 

 

بجاه النبي المرسل بالمحصف المنزل

نرفع أيادينه ندعو يبارينه

أقبلها من عدنه واحنه تعودنه

بجاه النبي ونهجه وبمولد الحجه

روض السعاده بالحب

ينفح وداده بالحب

تتعطر أوراده

 

ياربي نتأمل من عدنه تتقبل
بهالخدمه تدرينه أشرف عمل نعمل
نسأل وما تردنه متخيب اليسأل
يا ربي نترجه هذا الفرح يكمل
روض السعاده
ينفح وداده
بالمهدي وأجداده

 

 

 

طير السعد جانه منشوره جنحانه

طاب السهر النه وبهذا محفلنه

يتحقق المطلب وبرحمتك نرغب

كل زله تغفرها كل بالشده تنصرها

اغفر ذنبنه ربي

بيك احتسبنه ربي

بحق هذا ميلاده

 

بنظراته صحانه بالفرحه خلانه
منك تأملنه وبهذي دعوانه
بالمنتظر يارب تغفر خطايانه
عالحق تسيرها بلطفك يا مولانه
اغفر ذنبنه
بيك احتسبنه
بالمهدي وأجداده

 

 

 

دعوه ورفعناها هالدعوه مغزاها

يا مصدر الحكمه نتمنه بالرحمه

متعها بالصحه بحق صاحب الفرحه

يالباري تسمعنه احفظ مراجعنه

يرفع دعائي كَلبي

تسمع ندائي كَلبي

واتحقق مراده

 

أمتنه ترعاها وتلبي دعواها
تعطف عله الأمه واتشافي مرضاها
من رحمتك نفحه عطر ثناياها
كل احنه يجمعنه حب النبي طاها
يرفع دعائي
تسمع ندائي
بالمهدي وأجداده

 

 

 

نتمنه ياربنه تحسن عواقبنه

نورنه بنواره نتخطه آثاره

ميلاده هالبشره أمتنه مبتشره

بالفرحه نتأمل للغايه نتوسل

ساعة ظهوره يمته

يلفينه نوره يمته

محفلنه ميعاده

 

وبهذا مطلبنه عالمهدي تحسبنه
وبصفحة أنصاره يالباري تكتبنه
والفرحة الكبره بظهوره تسعدنه
وانصبنه هالمحفل من منطلق حبنه
ساعة ظهوره
يلفينه نوره
بالمهدي وأجداده

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *
 

Copyright© 2004-2013 M-mahdi.com All Rights Reserved